4721: ۔۔ (علی (رض)) حضرت علی (رض) سے مروی ہے فرماتے ہیں : جب یہ سورت نازل ہوئی :
انا اعطیناک الکوثر فصل لربک وانحر ان شانئک ھو الابتر۔ (الکوثر)
(اے محمد ! ) ہم نے تم کو کوثر عطا فرمائی ہے۔ تو اپنے پروردگار کے لیے نماز پڑھا کرو اور قربانی کیا کرو۔ کچھ شک نہیں کہ تمہارا دشمن ہی بےاولاد رہے گا۔
تو رسول اللہ (صلی اللہ علیہ وآلہ وسلم) نے جبرائیل (علیہ السلام) سے دریافت کیا : یہ کون سی قربانی ہے جس کا اللہ تعالیٰ نے مجھے حکم دیا ہے ؟ حضرت جبرائیل (علیہ السلام) نے فرمایا : یہ قربانی نہیں ہے بلکہ آپ کو (اس کے ضمن میں) یہ حکم ہے کہ جب آپ نماز کے لیے تکبیر تحریم کہیں تو ہر مرتبہ جب بھی آپ تکبیر کہیں، نئی رکعت شروع کریں اور رکوع سے سر اٹھائیں۔ کیونکہ ہاتھوں کو بلند کرنا آپ کی نماز کا حصہ بھی ہے اور ہم تمام فرشتوں کی نماز کا حصہ ہے جو آسمانوں میں رہتے ہیں۔ کیونکہ ہر چیز کی ایک زینت ہوتی ہے اور نماز کی زینت ہر تکبیر کے وقت ہاتھ اٹھاتا ہے۔
نیز نبی کریم (صلی اللہ علیہ وآلہ وسلم) نے ارشاد فرمایا : نماز میں ہاتھوں کا اٹھانا استکانہ (عاجزی اور خشوع خضوع) سے تعلق رکھتا ہے۔ حضرت علی (رض) فرماتے ہیں : میں نے عرض کیا : استکانہ کیا شئی ہے ؟ ارشاد فرمایا : کیا تم نے یہ آیت نہیں پڑھی :
فما استکانوا لربہم و ما یتضرعون۔
پس انھوں نے اپنے رب کے آگے (خضوع) عاجزی کی اور نہ آہ وزاری کی۔
الاستکانہ خضوع ہے۔ (ابن ابی حاتم، الضعفاء لابن حبان، مستدرک الحاکم ، ابن مردویہ، السنن للبیہقی)
کلام : ۔۔ بیہقی (رح) فرماتے ہیں روایت ضعیف ہے۔ ابن حجر (رح) فرماتے ہیں اس کی سند نہایت ضعیف ہے۔
جبکہ ابن جوزی (رح) نے اس روایت کو موضوعات میں شمار کیا ہے۔ کنز العمال ج 2 ص 557 ۔