4726: ۔۔ حضرت علی (رض) سے مرویے کہ جب نبی کریم (صلی اللہ علیہ وآلہ وسلم) پر یہ سورت نازل ہوئی :
اذا جاء نصر اللہ والفتح ۔
تو حضور (صلی اللہ علیہ وآلہ وسلم) نے علی (رض) کے پاس بھیج کر ان کو بلایا۔ اور (ان کے آنے پر) ارشاد فرمایا : اے علی !
انہ قد جاء نصر اللہ والفتح ورایت الناس یدخلون فی دین اللہ افواجا فسبحت ربی بحمدہ واستغفرت ربی انہ کان توابا۔
بےشک اللہ کی مدد آچکی ہے اور (مکہ کی) فتح ہوچکی اور میں نے لوگوں کو اسلام میں فوج در فوج داخل ہوتا دیکھ لیا، پس میں اپنے رب کی حمد کی تسبیح کرتا ہوں اور اپنے رب سے توبہ و استغفار کرتا ہوں بیشک وہ توبہ قبول کرنے والا ہے۔ پھر آپ (صلی اللہ علیہ وآلہ وسلم) نے ارشاد فرمایا : میرے بعد فتنے میں پڑے ہوئے لوگوں سے بھی اللہ نے جہاد فرض کردیا ہے۔ لوگوں نے پوچھا یا رسول اللہ ! ہم ان کے ساتھ کیسے قتال کریں جبکہ وہ کہیں گے ہم ایمان والے ہیں۔ ارشاد فرمایا : ان کے دین میں (فتنہ و) بدعت پیدا کرنے کی وجہ سے تم ان سے قتال کرنا اور اللہ کے دین میں بدعت پیدا کرنے والے ہلاک ہی ہوں گے۔ رواہ ابن مردویہ۔
کلام : ۔۔ روایت کی سند ضعیف ہے۔ کنز ج 2 ص 560 ۔