4738: ۔۔ (مسند عمر (رض)) ابن عباس (رض) سے مروی ہے کہ حضرت عمر (رض) نے ایک مرتبہ ارشاد فرمایا : حمد کو تو ہم جان گئے جیسے مخلوق ایک دوسرے کی تعریف کرتی ہے (اسی طرح ہم کو اللہ کی تعریف کا حکم ہے) اسی طرح لا الہ الا اللہ کو بھی ہم جان گئے کہ اللہ کے سوا جن دوسرے معبودوں کی پرستش کی گئی (اس کلمہ میں ان کی عبادت سے ممانعت ہے) اور اللہ اکبر تو نمازی کہتا ہی ہے۔ لیکن یہ سبحان اللہ کیا چیز ہے ؟ حاضرین میں سے کسی نے کہا : اللہ اعلم اللہ زیادہ جانتا ہے۔ حضرت عمر (رض) نے فرمایا : عمر بدبخت ہو اگر وہ جانتا نہ ہو کہ اللہ زیادہ جانتا ہے۔ حضرت علی (رض) نے ارشاد فرمایا : یا امیر المومنین ! یہ ایسا اسم ہے کہ کسی مخلوق کو جائز نہیں کہ اپنے لیے یا خدا کے سوا کسی کے لیے اس کو منسوب کرے۔ یہ اسم مخلوق کے لیے جائے پناہ ہے۔ اللہ پاک چاہتے ہیں کہ اس کے لیے یہ اسم بولا جائے، حضرت عمر (رض) نے فرمایا : ہاں یہ ہے اس کی حقیقت۔ ابن ماجہ فی تفسیرہ، ابن ابی حاتم، ابن مردویہ۔
فائدہ : ۔۔ یوں کہنا جائز نہیں سبحان زید زبحان عمر۔ وغیرہ وغیرہ۔