4792: ۔۔ محمد بن سیرین (رح) سے مروی ہے مجھے خبر ملی ہے کہ حضرت علی (رض) نے حضرت ابوبکر (رض) کی بیعت کرنے میں کچھ تاخیر کی۔ حضرت ابوبکر کی ان سے ملاقات ہوئی تو پوچھا کیا تم میری امارت کو ناپسند کرتے ہو ؟ فرمایا : نہیں، مگر یہ بات ہے کہ میں نے قسم اٹھائی ہے کہ چادر صرف نماز کے لیے اوڑھوں گا۔ حتی کہ میں قرآن پاک جمع نہ کرلوں۔
محمد یہ کہتے ہیں اسی وجہ سے لوگوں کا گمان تھا کہ حضرت علی (رض) نے قرآن پاک (تفسیر کے ساتھ) لکھ لیا ہے۔ محمد کہتے ہیں کاش مجھے وہ قرآن پاک مل جاتا تو اس میں بڑا علم پاتا۔ ابن عوف کہتے ہیں میں نے عکرمہ (رح) سے اس کے متعلق سوال کیا تو انھوں نے جاننے سے انکار کردیا۔ ابن سعد۔