4822: ۔۔ ابراہیم (رح) سے مروی ہے کہ حضرت عمر (رض) کو کہا گیا کہ حضرت ابی ذر (رض) :
فاسعوا الی ذکر اللہ پڑھتے ہیں تو حضرت عمر (رض) نے فرمایا : ابی ہم میں سب سے زیادہ منسوخ التلاوت آیتوں کو جانتے ہیں اور حضرت عمر (رض) فامضوا الی ذکر اللہ پڑھتے تھے۔ عبد بن حمید۔
فائدہ : ۔۔ موجود مشہور قراءت فاسعوا الی ذکر اللہ ہی ہے۔ یہی نہیں دوسری چند جگہ پر بھی حضرت عمر (رض) سے غیر مشہور قراءت منقول ہیں جو منسوخ ہیں۔
کیونکہ حضرت عثمان (رض) کے دور میں جب آخری مرتبہ جمع قرآن کا کام ہوا اس وقت مکمل تحقیق کرکے حضور (صلی اللہ علیہ وآلہ وسلم) سے آخری وقت میں جو تلاوتیں سنی گئیں تھیں ان کے مطابق قرآن پاک لکھا گیا۔ اگرچہ زیادہ تر منسوخ التلاوت آیات کے قاری حضرت ابی (رض) ہی تھے جیسا کہ حضرت عمر (رض) نے ارشاد فرمایا : لیکن لازمی نہیں ہے کہ ہر اختلافی مقام پر ان کی قراءت منسوخ ہو۔ جیسا کہ ذیل کی روایت اس بات کی واضح عکاسی کرتی ہے۔