٤٨٥۔۔ تقدیر خدا کا راز ہے۔ سوجوشخص اچھی بری تقدیر پر ایمان نہ لایا میرا ذمہ اس سے بری ہے۔ المسند ابی یعلی، بروایت ابوہریرہ (رض)۔ انسان ازل سے تقدیر کے مسئلہ میں الجھتا آیا ہے لیکن کبھی اس کی حقیقت کی تہہ تک رسائی نہ ہوسکی۔ اور بھلا خدا کے راز کی جھلک بھی کوئی پاسکتا ہے ؟ ہرگز نہیں ، اس لیے انسان کو چاہے کہ اس معاملہ میں محض سرتسلیم خم کیے بغیر چارہ کار نہ سمجھے۔ اور اس میدان میں حرف زنی سے ہمیشہ احتراز کرے۔