4858: ۔۔ ابی اسامہ اور محمد بن ابراہیم تیمی فرماتے ہیں حضرت عمر (رض) ایک شخص کے پاس سے گذرے جو پڑھ رہا تھا :
والسابقون الاولون من المہاجرین والانصار والذین اتبعوہم۔
حضرت عمر (رض) ٹھہر گئے اور آدمی کو کہا دوبارہ پڑھو ! اس نے دوبارہ پڑھا تو آپ نے پوچھا : کس نے پڑھا یا یہ ؟ اس نے حضرت ابی بن کعب (رض) کا نام لیا۔ حضرت عمر (رض) نے اس کو حضرت ابی (رض) کے پاس چلنے کو کہا۔ لہٰذا دونوں حضرت ات حضرت ابی بن کعب (رض) کے پاس پہنچے۔ حضرت عمر (رض) نے فرمایا : اے ابو المنذر ! (ابی (رض) کی کنیت) کیا تم نے اس شخص کو یہ آیت پڑھائی ہے ؟ حضرت ابی رضی عنہ نے فرمایا : یہ سچ کہتا ہے اور میں نے بھی رسول اللہ (صلی اللہ علیہ وآلہ وسلم) کے منہ سے یونہی سنی ہے۔ حضرت عمر (رض) نے تاکیداً پوچھا : تم نے رسول اللہ (صلی اللہ علیہ وآلہ وسلم) کے منہ سے سنی ہے ؟ حضرت ابی (رض) (صلی اللہ علیہ وآلہ وسلم) عنہ نے فرمایا : جی ہاں۔ حضرت عمر (رض) نے تیسری مرتبہ پوچھا : حالانکہ آپ غصہ سے (بار بار پوچھ رہے) تھے۔ حضرت ابی (رض) نے فرمایا : ہاں اللہ کی قسم ! اللہ پاک نے جبرائیل (علیہ السلام) پر نازل کی، جبرائیل (علیہ السلام) نے محمد کے قلب پر نازل کی اور اس کے بارے میں خطاب سے ان کی رائے پوچھی اور نہ اس کے بیٹے سے۔ چنانچہ حضرت عمر (رض) (باوجودیکہ امیر المومنین تھے) وہاں سے ہاتھ اٹھائے ہوئے اور اللہ اکبر اللہ اکبر کہتے ہوئے نکلے۔ (ابو الشیخ فی تفسیرہ ، مستدرک الحاکم)
حافظ ابن حجر (رح) اطراف میں فرماتے ہیں اس روایت کی صورت میں مرسل ہے اور میں کہتا ہوں کہ محمد بن کعب قرظی (رض) سے مروی اس روایت کا ایک اور طریق ہے۔
اور اسی کے مثل ابن جریر اور ابو الشیخ وغیرہ نے عمرو بن عامر انصاری سے نقل کیا ہے جس کو ابو عبید نے فضائل میں، سنید، ابن جریر، ابن المنذر، اور ابن مردویہ نے بھی تخریج فرمایا ہے اور یہی طریق صحیح ہے۔ مستدرک الحاکم۔۔