487: ۔۔ (مسند ابن عباس (رض)) ابی ظبیان سے مروی ہے کہ ابن عباس (رض) نے ہم سے دریافت فرمایا : تم دو قراءتوں میں سے کونسی قراءت کو پہلی شمار کرتے ہو ؟ ہم نے کہا : عبداللہ (رض) (بن مسعود) کی قراءت کو ۔ ابن عباس (رض) نے فرمایا : نہیں۔ رسول اللہ (صلی اللہ علیہ وآلہ وسلم) پر ہر سال ایک مرتبہ قرآن پیش کیا جاتا تھا۔ مگر جس سال آپ کی وفات ہوئی اس سال آپ پر دو مرتبہ قرآن پیش کیا گیا۔ اور اس پیشی پر عبداللہ (رض) بھی حاضر ہوتے تھے۔ لہٰذا جو قرآن پاک منسوخ ہوا اور تبدیل کردیا گیا اس پر تو وہ حاضر وئے لیکن یہ (آخری بار حاضر ہونا) ان پر شاق ہوا شاید کہیں گئے ہوئے تھے۔ آپ (رض) نے باوجود اپنی فضیلت اور سن رسیدگی کے (اس اہم موقع پر حاضر نہ ہوسکے) اور یہ کام ایسے شخص کے سپرد کردیا جو ان کے بیٹے کے قائم مقام تھے۔ (غالبا زید بن ثابت (رض) کے) اسی وجہ سے حضرت عثمان (رض) نے قرآن کی کتابت وغیرہ کا کام حضرت زید بن ثابت کے سپرد کیا کیونکہ وہ حاضر تھے اور عبداللہ غائب رہتے تھے نیز اس لیے بھی کینک حضرت زید (رض) وحی لکھا کرتے تھے رسول اللہ (صلی اللہ علیہ وآلہ وسلم) کی اور عہد صدیقی میں قران لکھ چکے تھے۔ رواہ ابن عساکر۔