4927: ۔۔ حضرت ابوہریرہ (رض) سے مروی ہے کہ حضرت ابوبکر (رض) منبر پر کھڑے ہوئے اور فرمایا تم جانتے ہو یہاں رسول اللہ (صلی اللہ علیہ وآلہ وسلم) کھڑے ہوئے تھے یہ کہہ کر آپ (رض) رو پڑے۔ یہی بات پھر دہرائی پھر رو پڑے۔ پھر دہرائی اور پھر رو پڑے۔ پھر فرمایا :
انسانوں کو اس دنیا میں عفو اور عافیت سے بڑھ کر افضل کوئی شی عطا نہیں کی گئی لہٰذا اللہ سے ان دونوں چیزوں کا سوال کیا کرو۔ (نسائی مسند ابی یعلی، الدارقطنی فی الافراد)