5001: ۔۔ حافظ شمس الدین بن جزری (اپنی کتاب) اسنی المطالب میں مناقب علی بن ابی طالب (رض) کے ذیل میں بیان فرمات ہیں، ہمیں ہمارے شیخ امام محمد ث جمال الدین محمد بن یوسف بن محمد بن مسعود سرمدی نے ہمارے روبرو یہ خبر دی کہ ہمارے شیخ امام ابو الثناء محمود بن محمد بن محمود مقری نے ہم کو خبر دی کہ ہم کو ہمارے شیخ ابو احمد عبدالصمد بن ابی الجیش نے خبر دی کہ ہم کو ابوبکر محمد بن احمد بن علی بن خلف نے خبر دی کہ ہم کو عبدالرحمن سلمی نے خبر دی کہ ہم کو عبداللہ بن موسیٰ سلامی نے خبر دی کہ ہم کو فضل بن عیاش کوفی نے خبر دی کہ ہم کو حسین بن ہارون ضبی نے خبر دی کہ ہم کو عمر بن حفص بن غیاث نے اپنے والد حسین (رض) سے اور انھوں نے اپنے والد حضرت علی بن ابی طالب (رض) سے روایت کی۔
حضرت علی (رض) ارشاد فرماتے ہیں : مجھے رسول اللہ (صلی اللہ علیہ وآلہ وسلم) نے رنجیدہ خاطر دیکھ کر دریافت فرمایا : اے ابن ابی طالب ! میں تجھے رنجیدہ دیکھ رہا ہوں ؟ میں نے عرض کیا : ہاں بات ایسی ہے۔ حضور (صلی اللہ علیہ وآلہ وسلم) نے ارشاد فرمایا : اپنے کسی گھر کے فرد کو حکم دے کہ وہ تیرے کان میں اذان کہہ دے، کیونکہ یہ (رنج و ) غم کی دوا ہے۔ حضرت علی (رض) ارشاد فرماتے ہیں : چنانچہ میں نے اس پر عمل کیا اور مجھ سے رنج و غم کی ساری کیفیت چھٹ گئی ۔ حسین (رض) فرماتے ہیں : میں نے اس کو آزمایا اور اسی طرح پایا۔ (واقعی یہ رنج و غم کی دوا ہے) حفص بن غیاث فرماتے ہیں : میں نے اس کا تجربہ کای اور واقعۃ ایسا پایا۔ عمر بن حفص فرماتے ہیں : میں نے اس کا تجربہ کیا اور واقعۃ ایسا پایا۔ حسین بن ہارون کہتے ہیں میں نے اس کا تجربہ کیا واقعۃ ایسا پایا۔ فضل فرماتے ہیں میں نے اس کا تجربہ کیا اور واقعۃ ایسا پایا۔ عبداللہ بن موسیٰ فرماتے ہیں : میں نے اس کا تجربہ کیا اور واقعۃ ایسا پایا، عبدالرحمن فرماتے ہیں میں نے اس کا تجربہ کیا اور واقعۃ ایسا پایا ابوبکر فرماتے ہیں میں نے اس کا تجربہ کیا اور واقعہ ایسا پایا۔ ابن الجوزی رحمۃ اللہ عیہ فرماتے ہیں میں نے ابن ناصر کو اس کے متعلق اور کچھ فرماتے نہیں سنا سوا اس کے کہ میں نے اس کا تجربہ کیا اور واقعۃ ایسا پایا۔
ابو محمد یوسف فرماتے ہیں میں نے اس کا تجربہ کیا اور واقعہ ایسا پایا۔ عبدالصمد کہتے ہیں میں نے اس کا تجربہ کیا اور واقعۃ ایسا پایا، ابو الثناء فرماتے ہیں میں نے اس کا تجربہ کیا اور واقعہ ایسا پایا۔ ابن الجزری فرماتے ہیں میں نے اپنے شیخ سرمدی کو اس کے سوا کچھ کہتے نہیں سنا کہ میں نے اس کا تجربہ کیا اور ایسا ہی پایا۔
(علامہ سیوطی (رح) فرماتے ہیں) میں کہتا ہوں کہ میں یہ حدیث تقی الدین محمد بن فہد سے سنی تو انھوں نے بڑے اچھے تسلسل سے امام جزری سے اس کا سماع کیا اور میں نے اس کے رجال میں کسی راوی کو ایسا نہیں پایا جس پر کسی کا عیب لگایا جائے۔