5026: ۔۔ حضرت فاطمہ (رض) سے مروی ہے کہ وہ حضور (صلی اللہ علیہ وآلہ وسلم) کے پاس گئیں اور عرض کیا : یا رسول اللہ ! ان ملائکہ کا طعام تو لا الہ الا اللہ، سبحان اللہ اور الحمد للہ وغیرہ ہے، ہمارا طعام کیا ہے ؟ آپ (صلی اللہ علیہ وآلہ وسلم) نے فرمایا : قسم ہے اس ذات کی جس نے مجھے حق کے ساتھ مبعوث کیا ہے۔ آل محمد کے گھروں میں تیس یوم سے آگ نہیں جلی۔ پھر بھی اگر تم چاہو تو میں تمہارے لیے پانچ بکریوں کا حکم دیتا ہوں اور اگر تم چاہو تو میں تم کو پانچ کلمات سکھا دیتا ہوں جو مجھے جبرائیل (علیہ السلام) نے سکھائے ہیں۔ حضرت فاطمہ (رض) نے عرض کیا ہاں وہ مجھے پانچ کلمات ہی سکھا دیجیے جو آپ کو جبرائیل (علیہ السلام) نے سکھائے ہیں۔ آپ (صلی اللہ علیہ وآلہ وسلم) نے ارشاد فرمایا : اے فاطمہ یوں کہا کر :
یا اول الاولین، ویا آخر الاآخرین، ویا ذا القوۃ المتین، ویا ارحم المساکین، ویا ارحم الراحمین۔ (ابو الشیخ فی فوائد الاصبھانین۔ الدیلمی، مستدرک الحاکم، )