5061:۔۔ محمد بن زیاد، میمون بن مہران سے اور وہ حضرت علی بن ابی طالب (رض) سے روایت کرتے ہیں، حضرت علی (رض) فرماتے ہیں مجھے رسول اللہ (صلی اللہ علیہ وآلہ وسلم) نے فرمایا : میں تجھے پانچ ہزار بکریاں دیدوں یا پانچ کلمات سکھا دوں، جن سے تمہارا دین اور تمہاری دنیا صحیح ہوجائے۔ حضرت علی (رض) نے فرمایا : یا رسول اللہ ! پانچ ہزار بکریاں بھی بہت ہیں لیکن آپ مجھے وہ کلمات سکھا دیجیے۔ فرمایا : یہ دعا پڑھا کرو :
اللھم اغفرلی ذنبی، ووسع لی خلقی و طیب لی کسبی، وقنعنی ، ولا تذھب قلبی الی شی صرفتہ عنی۔
اے اللہ ! میرے گناہوں کی مغفرت فرما، میرے اخلاق کو کشادہ فرما، میرا (ذریعہ) معاش پاکیزہ بنا، اپنے رزق پر قناعت دے اور میرے دل کو ایسی چیز کی طرف مائل نہ کر جو تو نے مجھ سے پھیر دی ہو۔ رواہ ابن النجار۔