5068: ۔۔ حضرت عائشہ (رض) سے مروی ہے کہ حضرت ابوبکر (رض) حضور (صلی اللہ علیہ وآلہ وسلم) کے پاس حاضر ہوئے اور عائشہ (رض) سے بات کرنے کی کوشش کی۔ حضرت عائشہ (رض) نماز پڑھ رہی تھی کہ رسول اللہ (صلی اللہ علیہ وآلہ وسلم) نے فرمایا :
اے عائشہ ! تو کامل اور جامع دعائیں پڑھ۔ حضرت عائشہ (رض) نماز سے فارغ ہوئیں تو انھوں نے رسول اللہ (صلی اللہ علیہ وآلہ وسلم) سے کامل اور جامع دعا کے بارے میں پوچھا : حضور (صلی اللہ علیہ وآلہ وسلم) نے فرمایا : یہ پڑھو :
اللهم انی أسألک من الخير كله عاجله وآجله ، ما علمت منه ، وما لم أعلم ، وأسألک الجنة وما قرب إليها من قول أو عمل ، وأعوذ بک من الشر کله عاجله وآجله ، ما علمت منه وما لم أعلم ، وأسألک من خير ما سألک منه عبدک ورسولک محمد صلی اللہ عليه وسلم ، واستعيذک مما استعاذ منه عبدک ورسولک محمد صلی اللہ عليه وسلم وأسألک ما قضيت لي من أمر أن تجعل عاقبته رشدا۔
اے اللہ ! میں تجھ سے ہر خیر کا سوال کرتا ہوں ہو وہ خیر جلدی ہو یا بدیر ، میرے علم میں ہو یا نہیں، اور میں تجھ سے جنت کا اور ہر اس قول یا عمل کا سوال کرتا ہوں جو جنت کے قریب کردے اور میں تیری پناہ مانگتا ہوں ہر طرح کے شر سے وہ جلدی ہو یا بدیر، میرے علم میں ہو یا نہیں، اور میں تجھ سے ہر اس خیر کا سوال کرتا ہوں جس کا تجھ سے تیرے بندے اور تیرے رسول اللہ (صلی اللہ علیہ وآلہ وسلم) نے پناہ مانگی۔ نیز میں تجھ سے اس بات کا سوال کرتا ہوں کہ تو نے میرے حق میں جس کام کا فیصلہ کردیا ہے اس کا انجام میرے لیے بہتر بنا۔ (رواہ مستدرک الحاکم)