5088: ۔۔ ابی عبیدہ (رح) سے مروی ہے کہ عبداللہ (رض) سے کسی نے پوچھا : کہ جب رات رسول اللہ (صلی اللہ علیہ وآلہ وسلم) نے آپ کو فرمایا تھا : سوال کرو پورا کیا جائے گا ؟ تم نے کیا سوال کیا تھا ؟ انھوں نے فرمایا : میں نے یہ دعا کی تھی :
اللھم انی اسالک ایمانا لا یرتد و نعیما لاینفد، ومرافقۃ نبیک فی اعلی درجۃ الجنۃ جنۃ الخلد۔
اے اللہ ! میں تجھ سے ایسے ایمان کا سوال کرتا ہوں جو لوٹ نہ جائے، ایسی نعمت کا سوال کرتا ہوں جو ختم نہ ہو اور اعلی جنت میں تیرے نبی (صلی اللہ علیہ وآلہ وسلم) کے ساتھ کا سوال کرتا ہوں۔ مصنف ابن ابی شیبہ۔