5090: ۔۔ حسن بن ابی حسن سے مروی ہے فرماتے یں : مجھے گمان ہے کہ عبداللہ بن مسعود (رض) سے مروی ہے وہ فرماتے ہیں : اللہ کے پیغمبر حضرت ادریس (علیہ السلام) ایک دعا کیا کرتے تھے اور وہ دعا بیوقوف لوگوں کو سکھانے سے منع کرتے تھے۔ وہ دعا یہ ہے :
يا ذا الجلال والاکرام ، ويا ذا الطول ، لا إله الا أنت ظهر اللاجين ، وجار المستجيرين ، وأنس الخائفين ، إنى أسألك أن كنت في أم الکتاب شقيا أن تمحو من أم الکتاب شقائي وتثبتنی عندک سعيدا ، وإن كنت في أم الکتاب محروما مقترا علي في رزقي ، ان تمحو من أم الکتاب حرماني ، واقتاري وارزقني واثبتني عندک سعيدا موفقا للخير كله۔
اے بزرگی اور کرم والے ! اے طاقت والے ! تیرے سوا کوئی معبود نہیں۔ تو پناہ مانگنے والوں کا پشت پناہ ہے ، امن چاہنے والوں کا پڑوسی ہے، خوفزدہ لوگوں کا مونس ہے، میں تجھ سے سوال کرتا ہوں کہ اگر اصل کتاب (لوح محفوظ) میں میں بدبخت ہوں تو تو اصل کتاب سے میری بدبختی مٹا دے اور مجھے اپنے ہاں سعادت مند لکھ لے۔ اگر اصل کتاب میں محروم اور روزی سے تنگدست لکھا ہوں تو تو اس کتاب سے میری محرومی اور میری تنگدستی مٹا دے اور مجھے رزق دے اور اپنے ہاں سعادت مند لکھ لے جس کو تمام خیروں کی توفیق میسر ہو۔ رواہ مستدرک الحاکم۔