٥١۔۔ کیا تم جانتے ہو یہ کون ہیں ؟ یہ جبرائیل (علیہ السلام) ہیں تمہیں تمہارا دین سکھانے آئے ہیں ان کی باتوں کو محفوظ کرلو، قسم ہے اس ذات کی جس کے قبضے میں میری جان ہے (جب سے یہ میرے پاس آناشروع ہوئے ہیں کبھی بھی مجھ پر مشتبہ نہیں ہوئے) سوائے اس مرتبہ کے اور اس مرتبہ میں نے ان کو اس وقت پہچانا جب وہ منہ موڑ کر چل پڑے۔ ابن حبان بروایت ابن عمر (رض)، حضرت جبرائیل آپ کے پاس اکثر وبیشتر حضرت دحیہ کلبی کی شکل میں تشریف لاتے تھے ، اور جب بھی تشریف لاتے آپ روز روشن کی مانند ان کو جان لیتے مگر اس مرتبہ نہ پہچان سکے اور یہ وہی مشہور واقعہ ہے جس میں حضور نے مشہور حدیث جبرائیل ارشاد فرمائی تھی۔