5101: ۔۔ حضرت انس (رض) سے مروی ہے کہ رسول اللہ (صلی اللہ علیہ وآلہ وسلم) رات کے درمیان یہ دعا پڑھا کرتے تھے :
اللهم نامت العيون ، و غارت النجوم ، وأنت الحی القيوم ، لا يواري منک ليل ساج ، ولا سماء ذات أبراج ، ولا أرض ذات مهاد ولا بحر لجي ، ولا ظلمات بعضها فوق بعض ، تدلح علی يدي من تدلح من خلقک تعلم خائنة الاعين وما تخفي الصدور ۔
اے اللہ آنکھیں سو گئیں، ستارے ڈوب گئے، اور تو زندہ اور ہر شئی کو تھامنے والا ہے، رات اپنی تاریکی میں تجھ سے کچھ نہیں چھپا سکتی، نہ برجوں والا آسمان، نہ بچھونے والی زمین، نہ تاریک سمندر، نہ اس کی تاریکیاں در تاریکیاں تجھ سے کچھ بھی چھپا سکتیں۔ تمام تیری مخلوق تیرے آگے بوجھل اور سرنگوں ہے۔ تو آنکھوں کی خیانت اور دلوں کے بھید سب کچھ جانتا ہے۔ (ابن ترکان فی الدعا والدیلمی)