5108 (بریدہ (رض)) بریدہ (رض) سے مروی ہے کہ نبی کریم (صلی اللہ علیہ وآلہ وسلم) اپنی ہیئت پر تشریف فرما تھے کہ ایک شخص کو دیکھ، جو کڑی دھوپ میں پیٹھ اور پیتٹ کو زمین پر رگڑ رہا تھا۔ اور پکار رہا تھا۔ اے نفس ! رات کو سوتا ہے، دن کو اکڑتا پھرتا ہے پھر بھی امید باندھے بیٹھا ہے کہ جنت میں جائے گا جب اس نے اپنے نفس کو ملامت کرلی تو ہماری طرف اس کی نظر پڑی بولا : بھائیو ! اپنی جگہ رہو۔ صحابہ (رض) فرماتے ہیں ہم نے کہا : ہمارے لیے دعا کردے اللہ تجھ پر رحم کرے۔ اس نے دعا کی :
اللھم اجمع علی الھدی امرھم
اے اللہ ! ہدایت پر ان کا بات متفق کردے۔
ہم نے کہا، اور دعا دے۔ اس نے کہا :
اللھم اجعل التقوی زادھم۔
اے اللہ ! تقوی کو ان کا توشہ بنا دے۔
ہم نے کہا : اور دعا دے۔ نبی (صلی اللہ علیہ وآلہ وسلم) نے بھی فرمایا ان کو اور دعا دے دے۔ پھر خود آپ نے ان کے لیے دعا کی :
اللھم وفقہ۔
اے اللہ اس کو اچھی دعا کی توفیق دے۔
لہذا اس شخص نے اس بار یہ دعا کی :
اللھم اجعل الجنۃ مثواھم۔
اے اللہ جنت کو ان کا ٹھکانا بنا دے۔ ابو نعیم۔