5116: ۔۔ کعب (رح) سے منقول ہے کہ حضرت داؤد (علیہ السلام) جب نماز سے لوٹتے تو یہ دعا فرماتے۔
اللهم اصلح لی دينى الذی جعلته لي عصمة ، وأصلح لي دنياى التی جعلت فيها معاشی ، اللهم انی أعوذ برضاک من سخطک ، وأعوذ بعفوک من نقمتک ، وأعوذ بک منک ، اللهم لا مانع لما أعطيت ، ولا معطي لما منعت ، ولا ينفع ذا الجد منک الجد۔
اے اللہ ! میرے دین کی اصلاح فرما جس کو تو نے میرے لیے حفاظت کی چیز بنایا ہے۔ میری دنیا کی اصلاح فرما، جس میں تو نے میری روزی رکھی ہے، اے اللہ ! میں تیری رضاء کی پناہ چاہتا ہوں تیری ناراضگی سے ، اور تیری معافی کی پناہ چاہتا ہوں تیرے عذاب سے اور تیری ہی پناہ مانگتا ہوں تجھ سے، اے اللہ ! جسے تو عطا کرے اسے کوئی روکنے والا نہیں، اور جس کو تو منع کردے اسے کوئی دینے والا نہیں۔ اور کسی صاحب مرتبہ کو کوئی کوشش تجھ سے بچانے میں نفع نہیں پہنچا سکتی۔
حضرت کعب احبار (رح) فرماتے ہیں مجھے صہیب (رض) نے فرمایا کہ حضور (صلی اللہ علیہ وآلہ وسلم) بھی نماز سے لوٹتے وقت یہ دعا پڑھتے تھے۔ (ابن زنجویہ، الرویانی، ابن عساکر)