5120: ۔۔ عبداللہ بن جعفر فرماتے ہیں جب حضرت ابو طالب وفات پا گئے تو رسول اللہ (صلی اللہ علیہ وآلہ وسلم) اپنے پیروں پر چل کر لوگوں کے پاس آئے اور ان کو سلام کی دعوت دی لیکن انھوں نے جواب بھی نہ دیا۔ پھر آپ لوٹے اور دو رکعات نماز ادا فرمائی اور یہ دعا کی :
اللهم اليك أشكو ضعف قوتي ، وقلة حيلتی وهوانی علی الناس ، يا أرحم الراحمين ، أنت أرحم بي ، إلى من تکلني إلى عدو يتجهمني ؟ أم إلى قريب ملكته أمری ؟ ان لم تکن غضبانا علي فلا أبالی غير أن عافيتك هي أوسع لي أعوذ بنور وجهك الذی أشرقت له الظلمات وصلح عليه أمر الدنيا والاخرة ان ينزل بی غضبک أو يحل علي سخطک ، لک العتبی حتی ترضی ، ولا حول ولا قوة الا بك۔
اے اللہ ! میں اپنی قوت کے ضعف کی تجھی سے شکایت کرتا ہوں اور اپنی تدبیر کی قلت اور لوگوں میں اپنی بےوقعتی کا تجھی سے شکوہ کرتا ہوں یا ارحم الراحمین ! تو ہی مجھ پر رحم فرمانے والا ہے۔ تو مجھے کن لوگوں کے سپرد کرتا ہے، کیا ایسے دشمن کے جو مجھ پر یلغار کرتا ہے، یا ایسے رشتے دار کے جو میرا مالک بن گیا ہے، لیکن اگر تو مجھ پر غصہ نہیں ہے تو مجھے پھر کوئی پروا نہیں ہے۔ تیری عافیت ہی مجھے سب سے کافی ہے۔ میں تیرے چہرے کے نور، جس سے تمام تاریکیاں روشن ہوگئیں اور جس سے دنیا و آخرت کے کام بن گئے، کی پناہ مانگتا ہوں کہ مجھ پر تیرا غصہ ناز ہو یا تیری ناراضگی مجھ پر اترے، تجھے منانا فرض ہے جب تک تو راضی نہ ہو، اور کسی بدی سے اجتناب اور کسی نیکی کی قوت تیرے ہی طفیل ممکن ہوسکتی ہے۔ (الکامل لابن عدی، ابن عساکر)
کلام : ۔۔ یہ حدیث ابو صالح قاسم بن لیث رسغی کی ہے، ہم نے ان کے سوا کسی کو یہ حدیث بیان کرتے نہیں سنا اور ہم نے صرف انہی مروی لکھی ہے۔ الکامل۔
امام طبرانی نے بھی اس کو روایت کہا ہے جس پر علامہ ہیثمی مجمع 6/35 میں فرماتے ہیں اس میں ابن اسحاق مدلس ہے لیکن ثقہ ہے اور باقی روات بھی ثقہ ہیں۔
نیز دیکھئے ذخیرۃ الحفاظ 4526 پر اس روایت کو ضعیف قرار دیا ہے۔