٥١٤٢۔۔۔ عمدہ اخلاق بڑھوتری کا باعث ہیں۔ (جبکہ) برے اخلاق نحوست و بےبرکتی کا سبب ہیں اور نیکی عمر میں زیادتی و اضافہ کا ذریعہ ہے اور صدقہ کرنا بری موت سے روکتا ہے۔ (مسند احمد طبرانی فی الکبیر عن رافع بن مکیث)
تشریح : ۔۔۔ یہاں دو باتیں قابل لحاظ ہیں، نحوست اور عمر میں اضافہ کا باعث ، سو خوب سمجھنا چاہیے کہ نحوست کی ہمارے دین میں کوئی گنجائش نہیں اور نہ یہ ہماری تعلیم ہے، بلکہ مراد بےبرکتی ہے دوسری بات عمر میں اضافہ کی تو یہ معاملہ تقدیر سے تعلق رکھتا ہے، جس کا علم فقط اللہ تعالیٰ کو ہے جیسے اللہ تعالیٰ عمر کم کرنے پر قادر ہیں تو عمر کے اضافہ پر بھی انہی کی قدرت ہے۔