٥٢٠۔۔ مادر رحم میں جب نطفہ پر بیالیس راتیں بیت جاتی ہیں اللہ عزوجل اس کے پاس ایک فرشتہ بھیجتے ہیں وہ اس کی صورت تشکیل دیتا ہے اس کے کان آنکھیں ، جلد، گوشت اور ہڈیاں بناتا ہے ، پھر وہ فرشتہ بارگاہ خداوندی سے دریافت کرتا ہے اے اللہ یہ جان مذکر ہے یامونث پھر اللہ اپنی مشیت کے مطابق فیصلہ فرماتے ہیں اور فرشتہ اس کو لکھ لیتا ہے فرشتہ دوبارہ عرض کرتا ہے پروردگار اس کی زندگی کتنی ہے پھر اللہ اپنی مشیت کے مطابق فیصلہ فرماتے ہیں اور فرشتہ اس کو لکھ لیتا ہے فرشتہ دوبارہ عرض کرتا ہے پروردگار رزق کتنا ہے پھر اللہ اپنی مشیت کے مطابق فیصلہ فرماتے ہیں اور وہ فرشتہ اس کو لکھ لیتا ہے اور پھر فرشتہ اس صحیفہ کو ہاتھ میں لیے نکلتا ہے اور اس حکم الٰہی میں کوئی کمی بیشی نہیں کرسکتا۔ الصحیح امام مسلم، براویت حذیفہ بن اسید۔