٥٣٢٤۔۔۔ اے عبداللہ ! کیا مجھے یہ خبر نہیں ملی کہ تم ان کو روزہ رکھتے اور رات کو قیام کرتے ہو سو ایسا نہ کیا کرو، کیونکہ جب
تم نے ایسا کیا تو ١۔ تمہاری آنکھ لگ جائے گی۔ ٢۔ تمہاری جان تھک جائے گی۔
لہٰذا روزہ بھی رکھو اور افطار بھی کرو رات کھڑے ہو کر عبادت بھی کرو اور سوؤ بھی ، تمہارے بدن کا، تمہاری آنکھ کا، تمہاری بیوی کا، تم سے بنے والے کا تم پر حق ہے، تمہارے لیے اتنا کافی ہے کہ ہر ماہ تین دن روزے رکھ لیا کرو، یوں تمہارے لیے ہر نیکی دس گنا ہوگی، یوں تمہارے لیے پورا زمانہ روزے (شمار) ہوں گے، انھوں نے عرض کیا : مجھے اس کی طاقت ہے، تو آپ نے فرمایا : اچھا اللہ تعالیٰ کے نبی داؤد (علیہ السلام) کے روزوں جیسے روزے رکھو، اس پر آدھا زمانہ زیادہ نہ کرو۔ (مسند احمد، بخاری، مسلم، نسائی، عن ابی عمرو)
تشریح :۔۔۔ ان صحابی کی اہلیہ نے حضور (صلی اللہ علیہ وآلہ وسلم) سے شکایت کی تھی، اللہ تعالیٰ نے صحابہ کرام (رض) سے ایسے اعمال کرا کے امت کے لیے ایک مثال قائم کردی تاکہ بعد میں کوئی ایسی حرکت کرے تو اس کی روک تھام پہلے سے موجود ہو، پانی کی منڈیر ہو تو وہ ان حدود تک ہی پھیلتا ہے لیکن جب منڈیر اور حدود نہ ہوں تو حسب پھیلاؤ پھیلتا ہے۔