٥٣٦٥۔۔۔ ذرا نرمی سے اے عائشہ ! نرمی اختیار کرو، سختی اور سخت گوئی سے بچو۔ (بخاری عن عائشہ (رض))
تشریح : ۔۔۔ ان احادیث میں ام المومنین حضرت عائشہ صدیقہ کو مخاطب کرکے نرمی اختیار کرنے کو کہا گیا علامہ مناوی نے الجامع الصغیر کی اپنی شرح میں اس کے سبب ذکر کیے ہیں اول ، آپ ایک اونٹنی پر سوار ہوئیں جس میں کچھ سختی تھی تو آپ اسے مارنے اور ڈانٹنے لگیں دوم یہودیوں نے جب آپ (صلی اللہ علیہ وآلہ وسلم) کو السام علیکم کہا جو بددعائیہ کلمہ ہے تو حضرت عائشہ (رض) غصہ ہوگئیں اور فرمانے لگیں تم پر پھٹکار اور لعنت ہو۔ (شرح الجامع)