٥٤٩۔۔ موسیٰ نے اللہ سے درخواست کی اے اللہ مجھے آدم کی زیارت کروا دیجئے جنہوں نے اپنے کو اور ہم تمام لوگوں کو جنت سے نکلوایا اللہ نے ان کو آدم کی زیارت کروائی ، موسیٰ نے فرمایا، آپ ہی ہمارے جدامجد آدم (علیہ السلام) ہیں ؟ آدم (علیہ السلام) نے فرمایا جی ہاں۔ موسیٰ نے فرمایا آپ میں اللہ نے روح پھونکی، اور آپ کو تمام اسماء سکھائے اور فرشتوں کو حکم دیا کہ وہ آپ کو سجدہ کریں پھر کیوں آپ نے ہم کو اور اپنے آپ کو جنت سے نکلوایا ؟ آدم نے فرمایا تم کون ہو ؟ فرمایا میں موسیٰ ہوں دریافت کیا کیا بنی اسرائیل کے پیغمبر موسیٰ ، جن سے اللہ نے پس پردہ کلام کیا تھا، فرمایا جی ہاں۔ دریافت کیا کیا تم نے توراۃ میں نہیں پایا کہ اللہ نے اپنی کتاب میں میری پیدائش سے قبل یہ میری تقدیر لکھ دی تھی، فرمایا جی ہاں۔ آدم نے فرمایا پھر کس وجہ سے تم مجھے ایسی بات پر ملامت کرتے ہو جو اللہ نے مجھ سے پہلے میرے لیے فیصل کردی تھی تو آدم موسیٰ پر غالب آگئے۔ ابوداؤد بروایت عمر (رض)۔