٥٥٠٣۔۔۔ جس میں امانتداری نہیں، اس میں ایمان نہیں، اور جس میں عہد (کی پاسداری) نہیں اس کا کوئی دین نہیں، اس ذات کی قسم جس کے قبضہ قدرت میں محمد (صلی اللہ علیہ وآلہ وسلم) کی جان ہے، کسی بندے کا دین اس وقت تک درست نہ ہوگا یہاں تک کہ اس کی زبان درست ہوجائے، اور زبان اس وقت تک درست نہیں ہوتی یہاں تک کہ دل درست ہوجائے، وہ شخص جنت میں داخل نہیں ہوسکے گا جس کے پڑوسی اس کی اذیتوں سے محفوظ نہ ہوں، کسی نے کہا : یا رسول اللہ ! بوائق سے کیا مراد ہے فرمایا : اس کی ظلم و زیادتی، اور جس شخص کو ناجائز طریقہ سے کوئی مال ملا ہو پھر اس نے اس میں سے خرچ کردیا تو اسے اس میں برکت نہیں دی جائے گی، اور اگر اس میں سے صدقہ کیا تو قبول نہیں کیا جائے گا، اور جو ابقی بچا وہ اس کا جہنم (کیلئے) توشہ ہے بیشک خبیث، خبیث کا کفارہ نہیں ہوسکتا، البتہ اچھا مال اچھے کا کفارہ ہوسکتا ہے۔ (طبرانی فی الکبیر عن ثوبان)