٥٨٠۔۔ کوئی جی دار نفس ایسا نہیں ہے جس کے لیے اللہ نے جنت اور جہنم دونوں میں جگہ نہ بنائی ہو، اور اس کے لیے شقاوت یا سعادت نہ لکھ دی ہو۔ استفسار کیا گیا تو کیا ہم بھروسہ نہ کربیٹھیں ؟ فرمایا نہیں عمل کرتے رہو۔ اور ہاتھ پر ہاتھ دھر کے نہ بیٹھو کیونکہ ہر شخص جس کام کے لیے پیدا ہوا ہے اسی کی اس کو توفیق ہوتی ہے پس سعادت مندوں کے لیے سعادت مندوں کے اعمال آسان کردیے جاتے ہیں اور بدبختوں کے لیے اعمال بدبختوں والے آسان کردیے جاتے ہیں پھر آپ نے یہ آیت کریمہ تلاوت فرمائی ۔ فاما من اعطی واتقی وصدق بالحسنی، یعنی جس نے عطا کیا اور تقوی اختیار کیا اور اچھی بات کی تصدیق کی۔ مسنداحمد، بخاری، ابوداؤد ، ترمذی، ابن ماجہ، بروایت علی۔