٥٨٢٣۔۔۔ جس شخص نے اس حال میں غصہ پیا کہ وہ اس کے نکالنے پر قادر تھا تو اللہ تعالیٰ اس کے دل کو امن وایمان سے بھر دے گا اور جس نے عاجزی و انکساری کی وجہ سے خوبصورت لباس باوجود قدرت کے ترک کردیا، اللہ تعالیٰ اسے عزت و شرافت کا لباس پہنائیں گیا اور جس نے اللہ تعالیٰ کیلئے کسی کی شادی کرائی تو اللہ تعالیٰ اسے بادشاہ کا تاج پہنائے گا۔ (ابو داؤد عن وھب)
تشریح :۔۔۔ ہمیشہ خوبصورت یا خستہ لباس پہننا افراط تفریط ہے حدیث میں جس امر کی طرف اشارہ ہے وہ کبھی کبھار کا عمل ہے، جیسا حدیث میں آتا ہے کہ کبھی ننگے پاؤں بھی چل لیا کرو دوسروں کی شادی ضروری نہیں کہ رشتہ تلاش کرکے کرائی جائے، لڑکی والوں کی جہیز دے کر اور لڑکے والوں کی ولیمہ کی رقم دے کر مدد کرنا بھی اس فضیلت میں شامل ہے۔