٥٨٣٢۔۔۔ تین کاموں کے علاوہ ہر کام میں آہستگی درست ہے ، اور وہ تین امور یہ ہیں، جب اللہ تعالیٰ کا لشکر (یعنی جہاد) کے لے پکارا جائے تو سب سے پہلے دیکھنے والے بنو، اور جب نماز کی اذان ہوجائے تو سب سے پہلے نکلنے والے بنو، اور جب کوئی جنازہ آئے تو اس (کے دفن) میں جلدی کرو پھر اس کے بعد تاخیر بہتر ہے۔ (العسکری فی الامثال عن نفیع الحارثی فی مشیخۃ قومہ)
تشریح :۔۔۔ ان تین کے علاوہ اور بھی امور مختلف احادیث میں وارد ہوئے ہیں، ایک روایت میں ہے کہ بالغ لڑکی جس کے لیے مناسب رشتہ مل رہا ہو اس میں جلدی کرو۔