٥٩٠٦۔۔۔ اگر اللہ تعالیٰ میرا اور ابن مریم کا ہمارے گناہوں کی وجہ سے مواخذہ فرمائے ، تو ہمیں عذاب دے اور ہم پر ذرا ظلم نہ کرے۔ (دار قطنی فی الافراد عن ابوہریرہ (رض) )
تشریح :۔۔۔ عیسیٰ (علیہ السلام) کا ذکر خصوصیت کے ساتھ اس لیے فرمایا کہ انبیاء میں سے سب سے قریب ترین ہیں، نیز ان کی پیدائش و نبوت بڑے انوکھے انداز میں ہوئی، اور اہل عرب ان سے بڑی دشمنی کرتے ، خود مدینہ میں بسنے والے یہودی اس مرض میں مبتلا تھے اور گردو نواح کے عیسائی انھیں الوہیت کے مقام پر فائز سمجھتے تھے اس لیے آپ نے ایسا رویہ اختیار فرمایا جیسے عیسیٰ (علیہ السلام) کے ماننے والے انانیت وعناد پر محمول نہ کریں، اور اپنا ذکر پہلے فرمایا۔ کلمہ لو داخل کرکے اس طرح بھی اشارہ کردیا، کہ ہمارا کوئی گناہ تو نہیں لیکن اللہ تعالیٰ کی شان بےنیازی سے کیا بعید، معلوم ہوا انبیاء معصوم ہوتے ہیں۔