٦١٥۔۔ اگر اللہ تعالیٰ تمام اہل زمین و آسمان کو عذاب دیں تو یہ اللہ کا ان پر قطعا ظلم نہ ہوگا اور اگر ان پر اپنی رحمت برسائیں تو اس کی یہ رحمت ان کے گناہوں سے کہیں بڑھ کر ہوگی۔ لیکن وہ جیسے چاہتا ہے فیصلہ فرماتا ہے کسی کو عذاب کے شکنجہ میں جکڑتا ہے اور کسی پر رحم فرماتا ہے جس کو عذاب سے دوچار کرتا ہے بالکل برحق کرتا ہے۔ اور جس پر اپنی رحمت نچھاور کرتا ہے وہ بھی برحق ہے اور اگر تو اس کی راہ میں احد پہاڑ کے برابر بھی سوناخرچ کردے تو وہ تجھ سے اس وقت تک ہرگز قبول نہ کیا جائے گا جب تک کہ تو اچھی بری تقدیر پر ایمان نہ لائے۔ الطبرانی فی الکبیر، بروایت عمران بن حصین۔