٦١٥٧۔۔۔ اے سعد ! میں کسی شخص کو (غنیمت کا مال) دیتا ہوں ، جبکہ اس کے علاوہ دوسرا شخص مجھے زیادہ پسند ہوتا ہے (میں اسے اس وجہ سے دیتا ہوں) کہیں اسے اللہ تعالیٰ منہ کے بل جہنم میں نہ گرا دے۔ (بخاری مسلم ابوداؤد عن سعد)
تشریح :۔۔۔ آپ (صلی اللہ علیہ وآلہ وسلم) کے زمانہ کے منافقین کو برا بھلا نہیں کہا جاتا تھا، بہت سے لوگ آپ سے مال لینے آپہنچتے جن کا تعلق اگرچہ منافقوں سے نہ ہوتا لیکن مال کے حریص ہوتے آپ انھیں اس لیے دیدتے کہ کہیں انھیں بد زبانی کی وجہ سے آخرت میں سزا نہ ہو، یہاں بھی اسی طرح کے ایک شخص کو دے کر حضرت سعد سے فرمایا تم پریشان نہ ہو کہ مجھے نہیں ملا اور اسے عطا کردیا۔