٦١٦٩۔۔۔ کیا تم اس بات سے خوش نہیں کہ انھیں دنیا ملے اور ہمارے لیے آخرت ہو۔ (بخاری مسلم، ابن ماجہ عن عمر)
تشریح :۔۔۔ یہ آپ نے اس وقت فرمایا جب آپ (صلی اللہ علیہ وآلہ وسلم) نے تمام ازواج کے پاس نہ جانے کی قسم کھالی تھی آپ بالا خانے میں تشریف فرما تھے، حضرت بلال کی اجازت کے بغیر کوئی اندر نہیں آسکتا تھا حضرت عمر حاضر ہونے کے لیے اجازت مانگ رہے تھے اندر آئے آپ بان کی چارپائی پر بیٹھے تھے جس مبارک پر نشان پڑے دیکھ کر عرض کی یا رسول اللہ ! قیصر و کسری شاہان عجم اتنی عیش و عشرت کی زندگی بسر کریں اور آپ خاتم النبیین ہو کر ننگی چارپائی پر آرام کریں ہمیں یہ گوارہ نہیں تو اس پر آپ نے یہ ارشاد فرمایا۔