٦١٩٥۔۔۔ کیا تم میں سے کوئی چاہتا ہے کہ اسے بغیر سیکھے علم عطا ہو اور بغیر کسی کی رہنمائی کے ہدایت ملے ؟ کیا تم میں سے کوئی چاہتا ہے کہ اللہ تعالیٰ اس کے دل کے اندھے پن کو دور کرکے اسے بصیرت افروز بنا دے ؟ تو آگاہ ہو ! جو دنیا میں بےحد رغبت کرنے لگا اللہ تعالیٰ اس کے دل کو اندھا کر دے گا جتنا وہ دنیا کی طرف راغب ہوا ہوگا، اور جو دنیا سے بےرغبت ہوا اور اپنی امید کوتاہ کی، تو اللہ تعالیٰ اسے بغیر سیکھے علم دے گا اور بغیر کسی رہنمائی کے ہدایے بخشے گا۔
خبردار ! تمہارے بعد ایک قوم ہوگی جن کی حکومت صرف قتل و ظلم سے قائم رہے گی ، اور ان کی مالداری عاجزی اور بخل سے ہوگی، اور محبت یوں قائم ہوگی کہ وہ دین میں نئی باتیں نکالیں گے اور خواہشات کی پیروی کریں گے، سو تم میں سے جو کوئی وہ زمانہ پائے اور پھر مالداری پر قدرت کے باوجود فقر کے لیے اور عزت پر قدرت کے باوجود ذلت پر اور محبت کے ہوتے ہوئے بغض کے لیے صبر کرے اور ان تمام باتوں سے مقصود اللہ تعالیٰ کی رضا ہو تو اللہ پچاس صدیقین کا ثواب عطا فرمائیں گے۔ (الحلیۃ عن الحسن، مرسلاً )