٦٢٢٦۔۔۔ تم آج بہتر ہو یا اس وقت (بہتر ہوگے) جب تمہارے اوپر ایک پیالہ (خالی کرکے) اٹھا لیا جائے گا اور دوسرے کو شام کے وقت رکھا جائے گا، صبح ایک جوڑے میں ہوگی اور شام دوسرے میں، اور تم اپنے گھروں کو ایسے ہی کپڑے پہناؤ گے جیسے بیت اللہ کو پہنائے جاتے ہیں ؟ تو ایک شخص نے عرض کیا : پھر تو ہم اس وقت بہتر ہوں گے، آپ نے فرمایا : نہیں بلکہ تم آج بہتر ہو۔ (طبرانی فی الکبیر، بخاری مسلم عن عبداللہ بن یزید الخطمی)
تشریح :۔۔۔ انسانی ضروریات رہائش کا مکان، پہننے کو کپڑے، کھانے کو طعام اور پینے کو پانی ہے ، پھر جتنی ضروریات بڑھیں گی اتنے ہی اسباب درکار ہوں گے، لہٰذا اتنا یاد رہے کہ بےضرورت اور فالتو اشیاء ہرگز ہرگز جمع نہ کی جائیں۔