٦٣٠٤۔۔۔ جب تم لوگوں کو دیکھو کہ وہ سونے چاندی میں ایک دوسرے سے آگے بڑھ رہے ہیں تو یہ دعا کرنا : اے اللہ میں (دین کے) معاملہ میں ثابت قدمی کا سوال کرتا ہوں اور میں رشد و ہدایت کے قصد کا سوال کرتا ہوں، اور آپ کی نعمت کی شکر گزاری کا سوال کرتا ہوں، اور آپ کی طرف سے آنے والی آزمائش پر صبر کا، آپ کی اچھی عبادت کرنے اور آپ کے فیصلہ پر راضی رہنے کا سوال کرتا ہوں۔ میں آپ سے (شرک سے) سلامت دل اور سچی زبان کا سوال کرتا ہوں ، اور ان بھلائیوں کا سوال کرتا ہوں جو آپ کے علم میں ہیں، اور ان برائیوں سے آپ کی پناہ میں آتا ہوں جو آپ کے علم میں ہیں، اور ان لغزشوں پر آپ کی مغفرت کا سوال کرتا ہوں جو آپ کے علم میں ہیں۔ (طبرانی فی الکبیر عن البراء (رض) وفیہ موسیٰ بن مطہر متروک، میزان الاعتدال للذھبی ج ٤، ص ٢٢٣)
تشریح :۔۔۔ حدیث کا راوی اگرچہ متروک ہے لیکن حدیث کے الفاظ دوسری روایات سے ثابت ہیں۔ (دیکھیں عمل الیوم واللیلۃ لابن السنی مطبوعہ نور محمد کراچی)