٦٣٠٧۔۔۔ دنیا میں فاقے سے رہنے والے وہی لوگ ہوں گے جن کی روحیں اللہ تعالیٰ قبض کرے گا، وہ موجود نہ ہوں تو ان کا پوچھا نہیں جاتا، اور جب موجود ہوں تو کوئی انھیں پہچانتا نہیں وہ دنیا میں مخفی ہیں اور آسمان میں مشہور، جاہل انھیں دیکھ کر خیال کرتے ہیں کہ وہ بیمار ہیں انھیں سوائے اللہ تعالیٰ کے کو ف کے کوئی بیماری نہیں، انھیں اس وقت سایہ فراہم کیا جائے گا جس دن اللہ تعالیٰ کے سائے کے علاوہ کوئی سایہ نہ ہوگا۔ (الدیلمی عن ابوہریرہ (رض) )
تشریح :۔۔۔ اس مضمون کی کئی احادیث پہلے گزر چکی ہیں، جن سے مقصود شکم سیری اور شہرت سے بچنے کی ترغیب ہے، لیکن اگر یہ چیزیں ازخود حاصل ہوجائیں تو کوئی مضائقہ نہیں۔