٦٣٢٦۔۔۔ میری امت اس وقت تک بھلائی میں رہے گی جب تک کہ ان میں دنیا کی محبت ظاہر نہیں ہوجاتی، اور جب تک اس میں فاسق علماء جاہل قاری اور ظالم لوگ ظاہر نہیں ہوجاتے ، اور جب یہ چیزیں ظاہر ہوجائیں گی تو مجھے خوف ہے کہ اللہ تعالیٰ انھیں عمومی عذاب میں گرفتار کرلے گا۔ (ابو نعیم الحارث فی المعرفۃ عن طریق الواقدی انبتنا فاطمہ بنت مسلم الاشجعیۃ عن فاطمہ الخزاعیۃ عن فاطمہ بنت الخطاب)
تشریح :۔۔۔ محدثین کے ہاں مسلم ہے کہ امام واقدی تاریخ میں معتبر ہیں لیکن حدیث میں ان کی روایت قابل عمل نہیں۔