٦٣٦٧۔۔۔ اس ذات کی قسم ! جس کے قبضہ قدرت میں میری جان ہے اگر احد پہاڑ میرے پاس سونے کا ہو تو میں یہ چاہوں گا کہ مجھ پر تین راتیں بھی نہ گزریں اور اس میں سے ایک دینار بھی میرے پاس ہو، میں کوئی ایسا شخص تلاش کروں گا جو اسے مجھ سے قبول کرلے ، سوائے اس چیز کے جسے میں اپنے ذمہ قرض ادا کرنے کے لیے، بحفاظت رکھ رہا ہوں۔ (مسند احمد عن ابوہریرہ (رض) )
تشریح :۔۔۔ یعنی مجھ پر کسی قسم کا بار نہ ہو، بلکہ میں فارغ البال اور سبکدوش رہوں۔