٦٨٥٢۔۔۔ عیسیٰ (علیہ السلام) چلتے رہتے شام ہوتی تو صحرا کی کوئی سبزی کھالیتے اور صاف پانی پی لیتے، مٹی کو تکیہ بنا لیتے، پھر فرمایا : عیسیٰ بن مریم کا کوئی گھر نہ تھا جو خراب ہوتا اور نہ کوئی بیٹا تھا جو مرتا، ان کا کھانا صحرا کی سبزی اور ان کا مشروب صاف پانی اور ان کا تکیہ مٹی تھی۔
صبح ہوتی تو پھر چل پڑتے، ایک وادی سے گزرے تو وہاں ایک اندھا اپاہج شخص دیکھا جو جذام میں مبتلا تھا، جذام نے اس کے (گوشت) ٹکڑے کر دئیے تھے، (اس عالم میں کہ) اوپر آسمان ، نیچے وادی ، دائیں جانب برف بائیں جانب اولے، اور وہ کہہ رہا تھا، الحمدللہ رب العالمین تین بار، تو عیسیٰ (علیہ السلام) نے اس سے فرمایا : اے اللہ کے بندے ! تو کس بات پر اللہ تعالیٰ کی تعریف کررہا جبکہ تو نابینا، اپاہج اور کوڑھی ہے کوڑھ نے تیر ےٹکڑے کر رکھے ہیں ؟ تیرے اوپر آسمان، تیرے نیچے وادی تیری دائیں طرف برف بائیں طرف اولے ہیں ؟ وہ شخص بولا : اے عیسیٰ ! میں اس وقت اللہ تعالیٰ کی تعریف کررہا ہوں جبکہ کوئی یہ کہنے والا نہیں کہ آپ الہ کے بیٹے یا تین میں سے تیسرے ہیں۔ (الدیلمی وابن النجار عن جابر (رض))
تشریح :۔۔۔ یعنی عیسیٰ (علیہ السلام) نہ خودالہ ہیں نہ خدا کے بیٹے اور نہ تین میں سے تیسرے۔