٧٢٥٢۔۔۔ اللہ تعالیٰ جب اپنا عذاب اپنے نافرمانوں پر نازل کرتا ہے تو (بسا اوقات) وہ نیک لوگوں کی عمروں کے برابر واقع ہوجاتا ہے یوں ان کی ہلاکت کے ساتھ یہ لوگ بھی ہلاک ہوجاتے ہیں ، پھر ان کو ان کی نیتوں اور اعمال کے مطابق اٹھایا جائے گا۔ (بیہقی عن عائشہ)
تشریح :۔۔۔ یعنی جن ایام میں عذاب نازل ہونا تھا انہی دنوں ان نیک لوگوں نے مرنا تھا یوں ان کی عمروں اور عذاب کے نزول میں اتفاق ہوجاتا ہے، دیکھنے والے سمجھتے ہیں کہ یہ بھی اس عذاب میں گرفتار تھے، لیکن فرق اعمال اور نیتوں کی وجہ سے بعثت اور حشر میں ظاہر ہوگا۔