٧٢٦٦۔۔۔ اے یزید تمہارے لیے اس کا اجر ہے جس کی تم نے نیت کی ہے، اور اے معین تمہارے لیے وہ ہے جو تم نے لے لیا۔ (مسند احمد بخاری عن معن بن یزید)
تشریح :۔۔۔ فرماتے ہیں میرے والد نے کچھ دینار صدقہ کی نیت سے نکال کر لائے اور مسجد میں بیٹھے ایک شخص کے پاس رکھ دئیے میں نے آکر وہ دینار لے لیے، تو والد صاحب نے کہا : بخدا میں نے تمہاری نیت سے تو نہیں لائے تھے چنانچہ میں نے نبی کریم (صلی اللہ علیہ وآلہ وسلم) کی بارگاہ میں یہ جھگڑا پیش کیا، تو آپ نے یہ فرمایا۔