٧٥٠٣۔۔۔ تم لوگوں میں شرک (کی باطنی بیماری) چیونٹی کی چال سے زیادہ مخفی ہے اور تمہیں ایک ایسی بات بتاؤں گا جب تم اسے کرلو گے تو چھوٹا بڑا (ہر قسم کا) شرک تم سے دور ہوجائے گا ، تم ان کلمات کو تین بار کہہ لیا کرو :
اللھم انی اعوذبک ان اشرک بک وانا اعلم واستغفرک لما لا اعلم
اے اللہ ! میں اس بات سے آپ کی پناہ چاہتا ہوں کہ آپ کے ساتھ دانستہ طور پت شریک ٹھہراؤں اور نا واقفیت کی بنا جو کچھ ہو اس کی معافی چاہتا ہوں۔ (ابو یعلی عن ابی بکر)
تشریح :۔۔۔ اس واسطے کہ اعتقادات میں نا دانستہ غلطی معاف ہے، جبکہ بدنی اعمال میں ایسی غلطی پر کفارہ لازم آتا ہے، مثلاً دوران حج اگر کوئی غلطی ہوجائے تو قربانی واجب ہوتی ہے۔