٧٧٦٩۔۔۔ جو شخص ایسی حالت میں مررہا ہو کہ اس کے دل میں رائی برابر بھی تکبر ہو اور پھر وہ جنت میں جائے اس کی خوشبو سونگھے یا اسے دیکھے یہ نہیں ہوسکتا ، ایک شخص نے عرض کیا : یارسول اللہ ! میں تو خوبصورتی کو پسند کرتا ہوں ، میں تو یہاں تک چاہتا ہوں کہ میرے کوڑے کا دستہ اور میرے جوتوں کے تسمے بھی خوبصورت ہوں آپ نے فرمایا : یہ تکبر نہیں اللہ تعالیٰ خوبصورت ہیں اور خوبصورتی کو پسند کرتے ہیں لیکن تکبر یہ ہے کہ کوئی حق کو جھٹلائے اور اپنی آنکھوں سے لوگوں کو گرائے انھیں گھٹیا سمجھے۔ (مسند احمد عن عقبۃ بن عامر)