٧٧٨٢۔۔۔ قیامت کے روز جب اللہ تعالیٰ تمام لوگوں کو ایک میدان میں جمع کرے گا تو جہنم کی آگ ایک دوسری لپیٹ پر دوڑتے آئے گی، اور اس کے داروغہ سے روک رہے ہوں گے ، وہ کہہ رہی ہوگی، میرے رب کی قسم ! تمہیں میرے اور میرے رب کی قسم ! تمہیں میرے اور میرے خاوند کے درمیان دے ہٹنا پڑے گا، اور میں ایک گردن کی طرح لوگوں پر چھا جاؤں گی، وہ کہیں گے تیرے خاوند کون ہیں ؟ وہ کہے گی : ہر متکبر اور ظالم ، اتنے میں وہ اپنی زبان نکالے گی، اور لوگوں کے درمیان میں سے انھیں چن لے گی، اور انھیں اپنے پیٹ میں پھینک دے گی، پھر وہ پیچھے ہٹے گی اور دوبارہ آگے بڑھے گی، آگ کی لپیٹیں ایک دوسرے پر چڑھ رہی ہوں گی اور اس کے داروغہ اسے روک رہے ہوں گے۔
وہ کہے گی : میرے رب کی قسم ! تمہیں میرے خاوندوں کے درمیان سے ہٹنا پڑے گا، یا میں لوگوں پر ایک گردن کی مانند چھا جاؤں گی، وہ کہیں گے : تیرے خاوند کون ہیں ؟ وہ کہے گی : ہر بےوفا اور ناشکرا چنانچہ وہ انھیں لوگوں کے درمیان سے اپنی زبان سے چن لے گی ، اور انھیں اپنے پیٹ میں پھینک دے گی۔
پھر وہ پیچھے ہٹے گی، پھر اگے بڑھے گی اور اس کی آگ ایک دوسرے پر سوار ہورہی ہوگی، اس کے داروغہ اسے روک رہے ہوں گے، وہ کہے گی مجھے میرے رب کی عزت کی قسم ! تمہیں میرے اور میرے خاوندوں کے درمیان سے ہٹنا پڑے گا یا میں لوگوں پر ایک گردن کی مانند چھاجاؤں گی، وہ کہیں گے : تیرے خاوند کون ہیں ؟ وہ کہے گی : ہر متکبر فخر کرنے والا، چنانچہ وہ انھیں اپنی زبان سے لوگوں کے درمیان سے چن لے گی اور پھر انھیں (اپنے پیٹ میں) پھینک دے گی پھر وہ پیچھے ہٹے گی اور اللہ تعالیٰ کے بندوں کے درمیان فیصلہ فرمائیں گے۔ (ابویعلی فی مسندہ ، سعید بن منصور عن ابی سعید)