٨٢٩٠۔۔۔ نبی (صلی اللہ علیہ وآلہ وسلم) نے حضرت عمار (رض) سے ملاقات کے وقت فرمایا :
کفار تمہیں گرفتار کرلیں گے اور پانی میں تمہیں ڈبوئیں گے (اور اگر) تم سے فلاں فلاں (کفریہ) بات کہہ دی ، تو تجھے چھوڑدیں گے۔ اگر دوبارہ ایسا کریں تو ایسا کہ دو ۔ (ابن سعد عن ابن عون ، عن محمد)
انسان اگر کافروں کے نرغہ میں آجائے اور جان جانے کا اندیشہ ہے تو یہ حالت اضطراری ہے اس وقت زبان سے کلمہ کفر یہ کہنا جائز ہے دل میں ایمان پختہ ہوتا تاکہ کفار بھڑک جان پر نہ کھیل جائیں۔