٨٣١٩۔۔۔ اے امت محمد (علی صاحبھا الصلوٰۃ والسلام) کیا تمہیں اس کا حکم دیا گیا ہے ، کیا تم سے پہلے لوگ اسی وجہ سے ہلاک نہیں ہوئے ؟ جھگڑے کو ترک کردو کیونکہ اس کا نفع بہت کم ہے، وہ دوستوں کے درمیان عداوت بھڑکاتا ہے، جھگڑے کو ترک کردو اس کے فتنہ سے امن میں رہو گے، کیونکہ جھگڑے سے شک پیدا ہوتا ہے، اور عمل باطل ہوجاتا ہے، جھگڑا چھوڑ دو کیونکہ مومن جھگڑتا نہیں ، لڑائی کو چھوڑ دو ، کیونکہ جھگڑالو کے نقصان کا سامان مکمل ہوچکا لڑائی چھوڑدو، تمہارے لیے اتنا کافی ہے کہ تم ہمیشہ جھگڑتے رہو۔
جھگڑے سے کنارہ کش رہو کیونکہ جھگڑالو کی میں قیامت کے روز سفارش نہیں کروں گا، جھگڑے سے دور رہو کیونکہ جو شخص باوجود حق پر ہونے کے جھگڑے سے دامن چھڑالو کیونکہ مجھے میرے رب نے بت پرستی اور شراب نوشی کے بعد جس چیز سے روکاوہ جھگڑا ہے جھگڑے کو خیرباد کہہ دو کیونکہ شیطان اس بات سے تو ناامید ہوچکا کہ اب اس کی (جزیرۃ العرب میں) عبادت کی جائے البتہ وہ لڑانے جھگڑانے پر راضی ہوگیا ہے ، اور وہ دین میں جھگڑنا ہے۔
جھگڑا چھوڑدو ! کیونکہ بنی اسرائیل اکہتر فرقوں میں اور نصاریٰ بہتر فرقوں میں بٹ گئے اور میری امت تہتر فرقوں میں تقسیم ہوگی، سب کے سب گمراہ ہوں گے صرف سواداعظم ہدایت پر ہوگا جس طریقہ پر میں اور میرے صحابہ ہیں، جو اللہ تعالیٰ کے دین میں نہیں لڑا اور نہ اہل توحید میں سے کسی کے گناہ کیوجہ سے کسی کی تکفیر کی (الدیلمی عن ابی الدرداء وابی امامہ وانس وواثلہ معا