٨٤٠٤۔۔۔ (ابوالدرداء (رض)) حضرت ابوالدرداء (رض) سے روایت ہے ، کہ انھوں نے پوری رات یہ کہتے گزار دی، اے اللہ ! جیسے آپ نے مجھے حسین بنایا ایسے میرے اخلاق اچھے بنادیں یہاں تک کہ صبح ہوگئی، کسی نے ان سے کہا : رات بھر سے آپ کی دعا اچھے اخلاق میں تھی اس کی کیا وجہ ہے ؟ انھوں نے فرمایا : مسلمان اپنے اخلاق اچھے کرتا رہتا ہے یہاں تک کہ اس کے اچھے اخلاق اسے جنت میں داخل کردیتے ہیں اور اپنے اخلاق بگاڑتا رہتا ہے یہاں تک کہ اس کے برے اخلاق جہنم میں داخلے کا سبب بن جاتے ہیں مسلمان بندہ سویا ہوتا ہے اور اس کی بخشش کردی جاتی ہے کسی نے کہا : یہ کیسے ؟ (فرمایا :) مسلمان بندہ کا بھائی رات کو اٹھتا ہے تہجد ادا کرتا ہے اللہ تعالیٰ سے دعا کرتا اور اس کی دعا قبوک کرلی جاتی ہے اور اپنے بھائی کے لیے دعا کرتا ہے پھر اس کے حق میں بھی دعا قبول کرلی جاتی ہے۔ (ابن عساکر)