٨٤١٦۔۔۔ (الحکم بن حزن الکلفی) الحکم بن حزن الکفی (رض) سے روایت ہے فرماتے ہیں : میں نبی (صلی اللہ علیہ وآلہ وسلم) کے عہد میں حاضر ہوا میں ساتواں یا نواں شخص تھا، ہمیں اجازت ملی تو ہم لوگ آپ کے پاس آئے، ہم نے کہا : یارسول اللہ ! ہم آپ کے پاس خیر کی دعا کرانے آئے ہیں آپ نے ہمارے لیے دعائے خیر فرمائی اور ہمارے حکم دیا تو ہمیں وہاں ٹھہرایا گیا، اور ہمارے لیے کچھ کھجوروں کا حکم دیا حالانکہ وہاں یہ اشیاء (ان دنوں ) کم تھیں، چنانچہ ہم لوگ کچھ ایام ٹھہرے آپ کے ساتھ جمعہ کی نماز میں شریک ہوئے۔
آپ نے کمان یا لاٹھی پر ٹیک لگاتے ہوئے اللہ تعالیٰ کی حمد وثناء کی جو چند مختصر پاکیزہ اور مبارک پر مشتمل تھی، پھر فرمایا : لوگو ! جن جن باتوں کا تمہیں حکم دیا گیا ہے ان کے لیے تم میں ہرگز نہ اتنی طاقت ہے اور نہ تم کرسکتے ہو، لیکن سیدھے رہو اور خوشخبری ہاؤ۔ ( ابونعیم ، ابویعلی، ابن عساکر)