٨٤٤٣۔۔۔ قیس بن ابی حازم سے روایت ہے فرماتے ہیں : جب حضرت ابوبکر خلیفہ بنے تو منبر پر تشریف فرما ہوئے ، اللہ تعالیٰ کی حمد کی اور پھر فرمایا : لوگو ! تم یہ آیت :” اے ایمان والو ! تم اپنی جانوں کی خبرلو، جب تم ہدایت پر ہو تو گمراہ شخص سے تمہیں کچھ نقصان نہیں ۔ “ پڑھتے ہو اور تم اس آیت کو اس کے مقام پر نہیں رکھتے ، میں نبی کریم (صلی اللہ علیہ وآلہ وسلم) کو فرماتے سنا : لوگ جب کسی برائی کو دیکھیں اور اسے ختم نہ کریں تو اندیشہ ہے کہ اللہ تعالیٰ انھیں عمومی عذاب میں گرفتار کرلے گا۔ ( مصنف ابن ابی شیبہ، مسند احمد، عبدبن حمید، والعدنی وابن منیع والحمیدی ، ابوداؤد ترمذی وقال حسن صحیح، نسائی، ابن ماجہ فی مسندہ، والکجی، وابن جریر وابن المنذر وابن ابی حاتم وابن مندہ فی غرائب وابوالشیخ وابن مردویہ وابوذرالعروی فی الجامع و ابونعیم فی المعرفۃ، دارقطنی فی العلل وقال : جمیع رواۃ ثقات، بیھقی فی الشعب، سعید بن منصور)